Swerte’s Guide*:* Kung adunay pagsalig nga mupilit kanimo ang swerte, kinahanglan apilan kini og pag-meditate ug pag-ampo. Salig niining atoang mga giya apan hunahunaa baya nga giya lamang kini. Ang kakugi ug pagsalig sa kaugalingon ug paghangad ngadto sa kahitas-an maoy mutoboy kanimo sa usa ka anindot nga kinabuhi.
ARIES: (Marso 21-Mayo 19) – Ang dagan sa progreso sa usa ka aspeto sa imo kinabuhi karon nagdepende sa salig nimo sa imong kaugalingon karon. Sa pag-abri sa imong panghunahuna, hinay-hinay kini nga imong makab-ot.
TAURUS: (Abril 20-Mayo 20) – Usahay adunay parti sa relasyon ang dili nato makontrol. Ang dili pagpugos niini, labing maayo nga buhaton aron dili maahat ang dagan sa relasyon ug mas natural ang pag-debelop sa naasoy’ng relasyon.
GEMINI: (Mayo 21-Hunyo 21) – Dili mo magkasinabot sa usa ka tao mahitungod sa inyong mga plano. Apan naay paagi nga mag-abot ang inyong ideya aron di mahimonG gubot kini.
CANCER: (Hunyo 22-Hulyo 22) – Kinahanglanun sudlon ang usa ka sitwasyon aron masinati kung maayo pa ba nga ipadayon ang palno o dili na.
LEO: (Hulyo 23-Agosto 22) – Hulata mahinog ang usa ka ideya o plano usa kini ipadayag sa mga tao.
VIRGO: (Agosto 23-Setyembre 23) – Ipadayon ang pakighinabi sa usa ka indibidwal, tungod magdala kini ug mabungahong resulta.
LIBRA: (Setyembre 24-Oktubre 23) – Hapit na gyud mo abot ang higayon nga dugay ra gyud nimong gipaabot. Ayaw og sugot nga dili kini mahinayon sa usa lang ka gamay nga rason. Mao nang buhata gyud ang tanan, paningkamot og maayo og labaw sa tanan ang pagsalig sa imong kaugalingon.
SCORPIO: (Oktubre 24-Nobyembre 22) – Naa tay mga gusto ug dili gusto sa atong kinabuhi. Kining mga butanga adunay lainlaing rason nganung inana ang atong pagtan-aw niini. Para mas masabtan gyud nimo, dapat magpaka honest ka sa kadaghanan labaw na sa imong kaugalingon. Galibog na gani ka, imo pa gyud libogon ang imong hunahuna.
SAGITTARIUS: (Nobyembre 23-Disyembre 21) – Walay laing nakaila nato sa atong kaugalingon kundi mismo ang kita ra gyud. Gi judge ka man sa uban apan wala gyud nila mahibaw-e kung unsa gyud ka. Karong adlawa, naa kay madiskobre bag-o sa imong kaugalingon nga ikaw ra pud ang mahibaw. Mao nang dili magpadala sa mga istorya sa mga tao kay daghan na og mga hilabtanon aning kalibutana.
CAPRICORN: (Disyembre 22-Enero 19) – Ang pagsalig sa imong kaugalingon ang imong kinahanglang buhaton karon. Naa kay right og kahibalo ka mismo kung unsay kamatuoran. Ayaw og kahadlok sa mga istorya nga makapadismaya sa imoha kay naa ka katarungan. Kay basin madala napud ka sa atik pareha sa gibuhat sa imong uyab nimo.
AQUARIUS: (Enero 20-Pebrero 18) – Naa man mo dayeg sa imoha nga wala nimo damha apan dili ra kaayo ni makapaapekto sa imoha. Naa ra gyuy sakto nga panahon nga anaay mo dayeg sa imoha gikan sa usa ka tao nga maoy hinungdan na mo encourage og makapa inspired sa imoha. Mura ra og gugma ba, dili dayon ta mo too sa sinugdanan.
PISCES: (Pebrero 19-Marso 20) – Ikaw mismo ang makadiskobre nga imong nakita na daghan gyud diay ang mga tao nga ni suporta sa imoha. Bisag unsa pana nga sitwasyon sa imong kinabuhi, angay kang magpasalamaton aning mga tawhana kay wala gyud ka biya-e nila. Mas ni biya pa og una ang imong uyab kaysa imong barkada.
*Mao kadto ang atoang *LeenoWag* Horoscope* *alang sa adlaw nga Lunes**, Pebrero 18, 2019.** Hinumdumi kanunay nga ang tinud-anay nga swerte sa kinabuhi anaa sa atoang mga kamot. Kining tanan mga Swerte’s Guide lamang. Tinubdan: *www.proastro.com*.** (Sinulat ni DJ *Leeno* Gaw ug Boss Luwag).*
