Swerte’s Guide: Kung adunay pagsalig nga mupilit kanimo ang swerte, kinahanglan apilan kini og pag-meditate ug pag-ampo. Salig niining atoang mga giya apan hunahunaa baya nga giya lamang kini. Ang kakugi ug pagsalig sa kaugalingon ug paghangad ngadto sa kahitas-an maoy mutoboy kanimo sa usa ka anindot nga kinabuhi.
ARIES: (Marso 21-Mayo 19) – Suwayi nga isuwat ang imong mga gusto mahitabo, kini maayong sinugdanan aron mahinumduman nimo ug maayo ang imong lakang nga pagkabuhaton.
TAURUS: (Abril 20-Mayo 20) – Usa ka hagit ang mutim-aw sa imong kalibutan karon, kinahanglan atubangon kini ug pangitaan ug paagi dayon. Walay rason nga magkalisod ka karon.
GEMINI: (Mayo 21-Hunyo 21) – Posible nga usa ka tao ang gahimo ug pag-ilad aron mawala ang imong atensyon sa usa ka butang, pagbantay ug maayo aron makita nimo ang dula nga naa sa imong atubangan.
CANCER: (Hunyo 22-Hulyo 22) – Ayaw padala kung wala man kay suporta makita gikan sa palibot nimo, padayon sa imong tinguha.
LEO: (Hulyo 23-Agosto 22) – Kinahanglanun nimo karon nga mu-relaks sa imong ginaatubang. Maayo nga mudistansya ka ug kadiyot ug mulantaw gawas sa sitwasyon, sa imong pagbalik ug pakigbatok sa hagit nga imong gibiyaan, dako ang inspirasyon nga imo madala.
VIRGO: (Agosto 23-Setyembre 23) – Di na maglangan pa nga hulaton ang saktong oras aron masulti nimo ang imong gibati sa usa ka tao. Ayaw na pagsayang pa sa oras.
LIBRA: (Setyembre 24-Oktubre 23) – Kailangan imong hugton ang pagsalig sa imong kaugalingon. Dili mag hunahuna og mga negatibong butang kay kaya ra gyud nimo ang tanan. Nakaya gani nimo inyong relasyon nga walay klaro kana na ba nga ang kapalaran na ang ga ingon mismo.
SCORPIO: (Oktubre 24-Nobyembre 22) – Ma surpresa ka sa tabang gikan sa mga tao sa imong palibot og mao ni makapaasenso nimo. Maka realize nga nga daghan pa gyud diay nahigugma nimo. Bisan og problemado paka naa ra gyud sila permi andam mo tabang sa imoha. Mao na ayaw sigeg hunahuna og negatibo nga maoy makapamaoy nimo kay wa kay angay!
SAGITTARIUS: (Nobyembre 23-Disyembre 21) – Makahinumdom gyud ka sa imong mga kaagi sauna. Pero dapat dili ka magpadala niana kay dili na mao ang basehan sa imong present karon. Nahitabo tong mga butanga kay tungod naa toy hinungdan ang tanan og timan-e permi nga dili na mao ang sukdanan sa tanan. Mausab gani ang feelings, panghitabo naba?
CAPRICORN: (Disyembre 22-Enero 19) – Magexpect gyud ta isip usa ka tao apan karong adlawa dili ensakto nga mag expect kag maayo kay naay posibilidad na dili kini mahinayon. Kinahanglan kaayo ang imong lig-on nga pagsalig og pagtuo sa imong kaugalingon. Sige lang di magoul kay naa ra gyuy saktong panahon sa tanang butang.
AQUARIUS: (Enero 20-Pebrero 18) – Makahunahuna man ka og bag-o nga mga ideya kung unsa man gani ikaayo para sa imong mga kauban sa mga trabaho kay tungod naa ka sa dakong posisyon. Apan taga-e lang kini og limitasyon nga dili makahatag og negatibo nga epekto para sa ilaha kay basin okay ra sa imoha pero dili sa ilaha.
PISCES: (Pebrero 19-Marso 20) – Ang pagka open-minded nimo ang angay og pinakaimportante nimong buhaton karong adlawa. Paghuna-huna kung unsa man gani ikaayo para sa tanan. Ipabilin ang imong nakat-unan nga wala gyud naghatag nimo og kaayo. Dili sige og hunahuna sa imong ex kay nagsamoksamok rana.
Mao kadto ang atoang LeenoWag Horoscope alang sa adlaw nga Miyerkules, Oktubre 17, 2018. Hinumdumi kanunay nga ang tinud-anay nga swerte sa kinabuhi anaa sa atoang mga kamot. Kining tanan mga Swerte’s Guide lamang. Tinubdan: www.proastro.com.(Sinulat ni DJ Leeno Gaw ug Boss Luwag).
