Swerte’s Guide: Kung adunay pagsalig nga mupilit kanimo ang swerte, kinahanglan apilan kini og pag-meditate ug pag-ampo. Salig niining atoang mga giya apan hunahunaa baya nga giya lamang kini. Ang kakugi ug pagsalig sa kaugalingon ug paghangad ngadto sa kahitas-an maoy mutoboy kanimo sa usa ka anindot nga kinabuhi.
ARIES: (Marso 21-Mayo 19) – Kinahanglan nimo ug kadasig karon sa trabaho ug ideya gikan sa imong mga kauban na mao’y makatabang kanimo sa buhat ug pag-uswag. Laban lang para sa ekonomiya ug pangkabuhayan showcase.
TAURUS: (Abril 20-Mayo 20) – Abrihi imong panghunahuna sa mga tambag ug mensahe bisag kini dakong kalahian sa imong gusto nga maoy insaktong mahitabo. Kung adunay advance mag-isip, aduna sab open mag-isip. Be the latter!
GEMINI: (Mayo 21-Hunyo 21) – Usa ka kahibulongan ang mada sa kumonikasyon sa sud sa relasyon o pasalig kung imong isulti ang kamatuoran sa way paglipod-lipod. Kini usa ka dakong tabang ka-ninyong duha. Di na magtago tago aron walay dapat sakpon. Kung kung masakpan ka, “Wala na, finish na”.
CANCER: (Hunyo 22-Hulyo 22) – Ang kalampusan mas paspas makab-ot kung imong ipadayon imong talagsaon na pamaagi. Apan kini dili pasabot na di naka musunod sa balaod. Kini ang mamahimong rason aron na mahatagan ka ug atensyon nga para gyud kanimo.
LEO: (Hulyo 23-Agosto 22) – Pagduhaduha. Sinatia og maayo ang butang o desisyon sa dili pa kini buhaton o ipadayon. Di kini usa ka negatibo nga panghunahuna, apan usa kini ka pamaagi aron ma-filter ug makita ang nindot na mga halad kanimo.
VIRGO: (Agosto 23-Setyembre 23) – Makada ka ug kasadya sa imong kinabuhi kung aduna kay koneksyon sa mga taong pareha nimo ka-positibo. Pangitaa ang mga indibidwal ug pag-ambit ug mga ideya aron produktibo ka bisan pa man pipila ra kini sila.
LIBRA: (Setyembre 24-Oktubre 23) – Sa ilaha pang giingon nga “walay pagmahay nga gauna”. Maka-realize ka nga tinoud gyud diay kini nga panultion. Naa kay mga pagmahay sa panghitabo karon. Imong basolon imong kaugalingon nga nganung uwahi naman ang tanan. Mao nang kung naa gani mga opportunities na moabot sa imong kinabuhi dawata gyud dayun kini. Kay basin puhon magmahay napud ka ug kana nga oppurtunidad dili na mabalik.
SCORPIO: (Oktubre 24-Nobyembre 22) – Nindot kaayo imong adlaw. Grabe ang appreciation gikan sa mga tao diha sa imoha. Puno ka sa pagdayeg sa imong mga kauban nga maoy maka-inspire sa imoha. Abi nimo nga wala raka para nila, pero karong adlawa mahibaw-an nimo nga unsa ang ilang taas kaayo nga paglantaw diha sa imoha. Ayaw lang kaayo e-feel og maayo.
SAGITTARIUS: (Nobyembre 23-Disyembre 21) – Makabantay ka nga adunay nagpakabana nimo og tungod niini possible nga magkalovelife ka. Malipay ka karong adlawa tungod kay imong na feel nga importante ka nila. Bantayi lang gyud ang imong mga gipangistorya kay basin madala ka emotions pero di magoul kay dapat imong saligan ang imong kaugalingon.
CAPRICORN: (Disyembre 22-Enero 19) – Puno ka sa kalibog karon especially kabahin sa gugma. Maglibog ka kung siya na ba gyud kaha ang para sa imoha? Or basin molabay ra na siya? Maka-realize pud ka nga mabuhi ra sila ug wala ka apan mao ni hinungdan nga makapagoul nimo. Mao nang i-sure gyud na imong uyab. Ayaw sige’g pangita og may hitsura, kay sagad ani nila paasa ra.
AQUARIUS: (Enero 20-Pebrero 18) – Maka ingun gyud ka nga mas maayo pa nga maglikay sa mga lalis ug away. Pero naay times usahay nga kong manobra na, dapat imong barogan kung unsay sakto. Dili pasabot nga sige lang ka’g likay sa maong problema apan hinumdumi nga ang imong kaaway maoy sayop pero sige lang ka’g paubos sa imong pasensya. Kung unsa man gani imong baroganan dapat imo nang depensa-an. Kahibaw ka nga sakto ka pero tungod di ka ganahan ug gubot maong molikay nalang ka. In short, ayaw pa daog-daog! Kung may katwiran, ipaglaban!
PISCES: (Pebrero 19-Marso 20) – Taga’e ug balanse ang mga butang nga imong mga ginahimo karun. Maka bantay ka nga grabe kaau ang effort nga imong nabuhat para lang sa usa ka butang. Hinumdumi nga dapat dili lang ka sa usa ka butang mo-focus.
Mao kadto ang atoang LeenoWag Horoscope alang sa adlaw nga Miyerkules, Hulyo 18, 2018. Hinumdumi kanunay nga ang tinud-anay nga swerte sa kinabuhi anaa sa atoang mga kamot. Kining tanan mga Swerte’s Guide lamang. Tinubdan: www.proastro.com. (Sinulat ni DJ Leeno Gaw ug Boss Luwag).
