Swerte’s Guide: Kung adunay pagsalig nga mupilit kanimo ang swerte, kinahanglan apilan kini og pag-meditate ug pag-ampo. Salig niining atoang mga giya apan hunahunaa baya nga giya lamang kini. Ang kakugi ug pagsalig sa kaugalingon ug paghangad ngadto sa kahitas-an maoy mutoboy kanimo sa usa ka anindot nga kinabuhi.
ARIES: (Marso 21-Mayo 19) – Ayaw padala kung ang imong tanan plano napakyas. Adunay usa ka tao, kini pwede imong higala o membro sa imong pamilya na mahimong makatabang.
TAURUS: (Abril 20-Mayo 20) – Kinahanglan nimo mupahulay sa presyur sa trabaho karon. Gastahi ug oras imong kaugalingon aron mulab-as imong paminsar.
GEMINI: (Mayo 21-Hunyo 21) – Kung ikaw masusihon, mahimong makit-an nimo imong kaugalingon sa usa ka sitwasyon na maghatag kanimo ug interes.
CANCER: (Hunyo 22-Hulyo 22) – Ayaw ibaliwala ang usa ka tao sa imong plano bisan pa kini wala mihatag og suporta ug dili pasabot nga di ni sya andam mutabang kanimo. Ayaw pagduha-duha ug pakighinabi sa usa ka tao kay kini dako og matabang.
LEO: (Hulyo 23-Agosto 22) – Usa kaninyo ang gusto mu-kontrol, apan sa dugay ikaw mawad-an ug interes niini. Mas gustohun nimo na magpahiubos bisan pa ang resulta o repleksyon midaug ang usa sa isyu. Kini usa ka sign of maturity ug mao ang angay na buhaton.
VIRGO: (Agosto 23-Setyembre 23) – Kung ang usa ka sitwasyon naghatag nimo ug kalibog, dugang oras imong kinahanglan una ka muhukom. Stay calm.
LIBRA: (Setyembre 24-Oktubre 23) – Daghang tao ang mo bilib nimo karong adlawa apan ayaw lang og kumpyansa. Dako ang posibilidad nga magtinapulan ka o magsalig naka kay kahibaw naka anang butanga. Paabot nga naay mo doul nimo ug mo challenge sa imong abilidad.
SCORPIO: (Oktubre 24-Nobyembre 22) – Ang mga bitoon nag ingon nga nagkinahanglan kag tabang. Ayaw kauwaw sa pagdawat sa tabang sa uban. Kung sa imong tan-aw kaya ra diay nimo klaroha lang nga di ka magpatabang. Be clear sa imong kaugalingon ngadto sa uban. Be thankful gyud sa mga tabang nga madawat nimo.
SAGITTARIUS: (Nobyembre 23-Disyembre 21) – Naay mga butang nga dugay nimong buhaton tungod distracted ka sa problema. Abi nimog uwahi na kaayo ka apan naay rason nga nganong imo ning gi dugay dugay. Ayaw ipasangil nga tapulan ka. Kay kung tapulan ka, imo na gyud nang kinaiya. Kapoyon man gani nang mga kugihan, ikaw na ba?
CAPRICORN: (Disyembre 22-Enero 19) – Naa kay nahuman nga buluhaton karong adlawa pero wala gyud ni nakita sa mga tao sa imong palibot. Pero wala nagpasabot nga gibaliwala rana sa uban. Mas nindot nga imo ning i share sa laing tao para magpabilin kang madasigon sa imong kaugalingon.
AQUARIUS: (Enero 20-Pebrero 18) – Puno ka sa ka dismaya karon. Lahi-lahi man gyud na ang gusto sa usa ka tao. Usahay mao na noun hinungdan sa inyong away. Pero naka realize ka dili magpadala sa maong situation. Be considerate nalang pud sa uban kung naa man gani ni ikadalit nga kaayo para sa imoha.
PISCES: (Pebrero 19-Marso 20) – Ma surpresa gyud sa mga panghitabo karon. Naay mga butang nga dili nimo gustong buhaton apan wala kay laing mabuhat kay mapugos gyud ka. Pero di magoul kay daghan kag makat-unan sa imong mga gipangbuhat karon.
Mao kadto ang ato ang LeenoWag Horoscope alang sa adlaw nga Biyernes, Hulyo 20, 2018. Hinumdumi kanunay nga angtinud-anay nga swerte sa kinabuhi anaa sa ato ang mga kamot. Kining tanan mga Swerte’s Guide lamang. Tinubdan: www.proastro.com. (Sinulat ni DJ Leeno Gaw ug Boss Luwag)
