Swerte’s Guide: Kung adunay pagsalig nga mupilit kanimo ang swerte, kinahanglan apilan kini og pag-meditate ug pag-ampo. Salig niining atoang mga giya apan hunahunaa baya nga giya lamang kini. Ang kakugi ug pagsalig sa kaugalingon ug paghangad ngadto sa kahitas-an maoy mutoboy kanimo sa usa ka anindot nga kinabuhi.
ARIES: (Marso 21-Mayo 19) – Adunay usa ka butang o ideya na magsige ug balik balik na imong mahinumduman apan kini mahunong lamang kung ikaw mangayo ug opinyon sa usa ka tao na imong kasaligan.
TAURUS: (Abril 20-Mayo 20) – Ang imong pagkagahig-ulo ang mahimong dakong problema sa pagsolbad sa usa ka sitwasyon.
GEMINI: (Mayo 21-Hunyo 21) – Kinahanglan ang imong presensya ug diskarte sa pagsolbad sa labing madaling panahon bisan pa ug dili ka sigurado sa imong mahimong desisyon.
CANCER: (Hunyo 22-Hulyo 22) – Imong mamatikdan nga hinay ang dagan sa pag-uswag sa usa ka parte sa imong kinabuhi/karer ug ikaw masipyat apan kinahanglan determinado ka aron imong malampasan kini.
LEO: (Hulyo 23-Agosto 22) – Basin pa ang usa ka parte lamang sa imong kinabuhi ang nanginahanglan ug atensyon o solusyon dako ug epekto kini sa kinatibuk-an nga aspeto sa imong kinabuhi. Kung ang imong imahinasyon mupugos paghunahuna sa pagsolbad, imong mamatikdan na mao kini ang pamaagi aron makita nimo ang kagawsan.
VIRGO: (Agosto 23-Setyembre 23) – Bisan pa ug dili ka sigurado sa imong abilidad, imong makita nga dako gihapon ug pagsalig ang uban kanimo. Ayaw pasagdi na mawala inyong pagtuo na malampasan ninyo ug dili isalig sa uban pa.
LIBRA: (Setyembre 24-Oktubre 23) – Ang responsibilidad nimo karong adlawa ang pagpaningkamot nga himoun ang mga tao sa imong palibot nga aktibo sila sa bisag asa nga aspeto. Dapat walay kadismaya nga mahitabo. Maningkamot ka nga positibo ang ilang pag tan-aw sa ilang kaugalingon. Tabangan nimo sila nga ma aktibo dili pamaagi sa illegal nga butang ha? Bahalag adik-adik ka og dagway basta I prove nila nga positibo ilang pag tan-aw nimo.
SCORPIO: (Oktubre 24-Nobyembre 22) – Dili gyud ka magpadala sa mga temptasyon. Maabot man gyud na sa atong kinabuhi apan karong adlawa dili insakto nga imo ning sabayan sa panahon. Basin makahatag na hinoon ug negatibo nga panghitabo sa imong kinabuhi. Pareha ra sa gugma ba, di gyud dayun magpadala kung unsay gi ingon niya kay dili tanang I love you naay love story. Da jud!
SAGITTARIUS: (Nobyembre 23-Disyembre 21) – Ayaw ka discourage dayun sa imong kaugalingon nga naa kay mga pangutana sa kinabuhi nga wala pa gyud matubag. Everything takes time. Maabot ra gyud ang panahon na kana imong mga pangutana matubag rana sa uban. Maypag matog nalang ka makalimot paka nga naa diay kay mga pangutana. Malimtan pa nimo plus naka pahuway gyud ka. Naka ginansya pa gyud ka og muta.
CAPRICORN: (Disyembre 22-Enero 19) – Naa kay opportunidad karon sa imong mga pangandoy. Suwayi og I grab dayun na nga opportunity kay panagsa ra kaayo na mo abot. Pero puno pud ka sa kompyansa. Ayaw lang kaayo palabi kay basin mao pud ni hinungdan nga dili na hinoon madayun ang imong mga pangandoy. Hinayhinay lang! Ana sila nga lami man gyud if hinay-hinayon.
AQUARIUS: (Enero 20-Pebrero 18) – Naa gyud tay mga problema sa kinabuhi. Dili na nato malikayan og mo abot gyud nang mga butanga. Pero depende ra gihapon na nato kung gi unsa pag atubang. Possible nga kung imo gyud ning sulbaron ang maong problema, ma okay naka. Pero ang pag reject pud makatabang sa imoha. Depende ra gyud na kung gi unsa nimo pag atubang. Pareha ra anang nanamin ka diba makakita ka sa imong nawng? Lahi napud nga problema imong gi atubang.
PISCES: (Pebrero 19-Marso 20) – Naa kay mga butang nga gi expect karon pero dili diay mao. Ayaw dayun ka dismaya sa imong kaugalingon. Trials rana nga niabot sa imong kinabuhi. Naa ray saktong panahon para sa tanang butang. Mao nang dili lage mag expect kay ikaw ray masakitan. Pareha anang gugma, kung love gani love lang. Ayaw love kaayo para kung masakitan ka, dili sakit kaayo.
Mao kadto ang atoang LeenoWag Horoscope alang sa adlaw nga Miyerkules, Hulyo 25, 2018. Hinumdumi kanunay nga ang tinud-anay nga swerte sa kinabuhi anaa sa atoang mga kamot. Kining tanan mga Swerte’s Guide lamang. Tinubdan: www.proastro.com.(Sinulat ni DJ Leeno Gaw ug Boss Luwag).
