LEENOWAG HOROSCOPE | Swerteng Day Ba Kaha Nimu Today – November 21?

31

*Swerte’s Guide**:* *Kung adunay pagsalig nga mupilit kanimo ang swerte, kinahanglan apilan kini og pag-meditate ug pag-ampo. Salig niining atoang mga giya apan hunahunaa baya nga giya lamang kini. Ang kakugi ug pagsalig sa kaugalingon ug paghangad ngadto sa kahitas-an maoy mutoboy kanimo sa usa ka anindot nga kinabuhi.*

ARIES: (Marso 21-Mayo 19) – Ang bag-ong opinyon o estado sa imong panghunahuna muabri ug mga oportunidad.


TAURUS: (Abril 20-Mayo 20) – Ayaw hulata nga muabot sa punto nga mapugos ka musulti sa imong nahibaw-an, samtang sayu pa, labing mas maayo nga esulti na kini.

GEMINI: (Mayo 21-Hunyo 21) – Doble ang imong kalisod kung muundang ka karon sa imong ginabuhat tungod wa kay nakita sa imong palibot nga musuporta kanimo. Padayon, tungod makita ra nimo sa hinay-hinay ang interes sa uban tao sa imong binabuhat.

CANCER: (Hunyo 22-Hulyo 22) – Ipahunumdum kanimo karon ang kadaugan nga imong natagamtaman kaniadto ug makita nimo karon ang rason aron atubangon ug solbaron ang mga nagbabag sa imong kinabuhi sa dugay na nga panahon.

LEO: (Hulyo 23-Agosto 22) – Muhatag ug kadasig kanimo ang mga plano nga hinay-hinay nangahitabo padulong sa kalampusan. Magdala kini ug inspirasyon kanimo.

VIRGO: (Agosto 23-Setyembre 23) – Palapda ang imong panghunahuna sa imong mga pangandoy bisan pa adunay gagmay nga pagduda sa imong hunahuna. Muabot ra ang panahon mga mahitabo kini tanan kung ipadayon nimo ang imong plano.

LIBRA: (Setyembre 24-Oktubre 23) – Ang usa ka resulta nga dugay ra nimong gihuwat sa usa ka progreso dili magkinahanglan nga imo gyud pugson bisag dili na gyud posible ang tanan. Mao nay gi ingon kung unsay resulta mao na gyud na siya. Timan-e lang gyud permi nga ang tanan panghitabo adunay rason.

SCORPIO: (Oktubre 24-Nobyembre 22) – Patas-e lang gyud na og maayo ang imong pasensya karon. Ayaw pagdali kay naa ray saktong oras para sa tanang butang. Magkinahanglan gyud nga displinahon ang imong kaugalingon para maoy mo hatag sa pag control nga dili gyud madala sa mga bulohaton nga dili angay buhaton.

SAGITTARIUS: (Nobyembre 23-Disyembre 21) – Maglisud pa gyud ka og adapt sa mga butang nga dili paka andam. Ang usa sa rason niini kay nagkat-on pasad ka sa pag adjust sa imong mga palibot. Sige lang ayaw lang dayon ka dismaya. Puhon, masulbad ra gyud na ang tanan.

CAPRICORN: (Disyembre 22-Enero 19) – Kinahanglan nga magusab gyud ka sa imong kaugalingon karon kung unsa man gani ikaayo sa mga katawhan. Kinahanglan pud nga magpabilin kang positibo sa panan-aw gikan sa imong palibot. Pwede ra magusab basta ikaayo lang sa kadaghanan og sa imong kaugalingon. Dili magusab nga mahimo na hinoon kang bati para sa kadaghanan.

AQUARIUS: (Enero 20-Pebrero 18) – Mawagtang gyud ka sa paglaom karong adlawa sa bisag unsang aspeto sa imong kinabuhi. Ana gyud na ang kinabuhi usahay. Dili permi ang atong gusto maato-a. Dasig lang kay puhon kung unsa man gani na imong mga gipangandoy, maabot ra gyud na.

PISCES: (Pebrero 19-Marso 20) – Kinahanglanon gyud kaayo ang imong tabang ngadto sa uban. Pero mao ra gyud hinumdumi permi nga ayaw lang gyud og palabi. Dili buot pasabot nga imong gitagaan og limitasyon ang imong pagtabang. Dili ka dapat magpalabi para pud nga dili magabusar sila diha nimo og naa pud silay makat-onan.

*Mao kadto ang atoang **LeenoWag Horoscope* *alang sa adlaw nga **Miyerkules, Nobyembre 21, 2018.** Hinumdumi kanunay nga ang tinud-anay nga swerte sa kinabuhi anaa sa atoang mga kamot. Kining tanan mga Swerte’s Guide lamang. Tinubdan: *www.proastro.com*.**(Sinulat ni DJ Leeno Gaw ug Boss Luwag).*

Facebook Comments

From Advertisers