Davao City – Dako ang pagpasalamat ni Davao City Mayor Sara Duterte-Carpio sa serbisyo ug legasiya ni Colonel Consolito Yecla isip Commander sa Task Force Davao.
Atol sa Turn-Over Ceremony kagahapong adlawa (Hulyo 6, 2021), personal nga gipasalamatan ni Mayor Sara si Yecla sa iyang serbisyo sa syudad ug ang legasiya niini sa iyang lederato nga mao ang pagkamugna sa ‘Culture of Security’ ug Kalilintad 911.
“I would like to thank Colonel Yecla for your exemplary service as Task Force Davao commander and for efficiently implementing anti-terrorism measures in the city,” segun sa mayor.
Malipayon usab nga gi-turn over ni Yecla ang posisyon ngadto kang Colonel Darren Comia isip bag-ong TF Davao Commander ug positibo kining kaya niining maprotektahan ang dakbayan sa unsa mang hulga sa terorismo sama sa iyang gihimong pagpaningkamot ug paghimo sa iyang responsibilidad isip lider sa TF Davao.
“I’m happy to turn over the command of the Task Force with confidence. Colonel Comia has proven credentials especially when he was the commander of 16th Infantry Division (ID) of Davao City. Colonel Comia, welcome to Davao team,” sulti ni Yecla.
Nasayran nga magpabilin gihapon sa syudad si Col. Yecla apan ibalhin lamang kini sa 1003rd Brigade sa Barangay Mahayag, Bunawan District ning syudad sa Davao.
RadyoMaN Kirby Manzon
