Davao City – Managlahi ang pagpanglataw sa mga Pilipino mahitungod sa mga panghitabo ug mga kotrobersiya nga mibalot sa nasud alang sa tibuok 2017.
Pipila sa mga isyu nga gitutukan nga nagpabahin sa mga Pilipino mao ang ‘war on drugs’, Mindanao martial law, BOC isyu, impeachment cases, away sa administrasyon ug sa opposition ug daghan pa.
Putok usab ang isyu sa kamatayon nila Kian ug Carl Arnaiz, Marawi siege nga giingong gipaluyohan sa mga ‘druglords’, sunog sa NCCC mall, mga kalamidad ug uban pang panghitabo.
Kung aduna may dili malimtan ni Pastor Jessie Serenobes sa 2017, kana ang pagbuhis sa mga sundalo sa ilang mga kinabuhi sa Marawi, ang gihatud nga kaayohan sa balaod militar sa yuta’ng saad.
Kadaugan kontra droga, pag-usa sa mga Islam countries sa Middle East batok Israel human gideklara ang Jerusalem nga capital, bangi sa Amerika ug North Korea, mga bagyo sa Mindanao ug sa Davao City.
Ang pinakanindot nga natagamtaman ni Pastor Jessie sa 2017 nga daw lisod padparon sa kalimot mao ang mga benepisyo napupo sa Mindanao ug sa Davao City human nahimong presidente si former Davao City Mayor Rodrigo Duterte.
Pipila sa mga kaayohan nahatud ni Pangulong Duterte mao ang kahapsay ug kalinaw nga nagpa-utro sa dagan sa kinabuhi natong tanan hilabi na sa mga taga-Mindanao nga sa taud-taod nga panahon wala mahitabo.
Pero alang kang Pastor Jessie Serenobes, kung anaa ma’y angay pasalamatan ug pasidunggan sa nindot nga mga nahitabo sa Pilipinas sama sa pag-usbong sa ekonomiya kana walay lain mao ang Dios ug dili ang mga namuno sa gobyerno karon.
Ma-ehemplo nato ang Davao City kung asa nagtipun-ok ug nagdagsa ang mga Investors ug makita kini ang pagsulpot sa mga condominium ug mga hotels nga naghatag og daghang trabaho ug kini tin-aw pa sa sapa nga ang tanang panalangin natilawan sa tanan gikan sa Dios.
Mga kasama, aron padayon kita makatilaw sa kaayo sa Dios gikinahanglan atong ilhon, musalig, magpa-ubos,mag-alagad kita kaniya ug sigurado ang panalangin ug gugma niya madawat natong tanan.
Busa karong tuiga, dasigon nato ang atong mga kaugalingon nga atong i-sentro ang atong mga tinguha sa pakig-relasyon sa Dios aron magbungahon ug magmalampuson kita sa tuig 2018.
RadyoMaN Joel Viray
