Gitingkagul na sa prisuhan ang usa ka lending collector kinsa nadakpan sa kasong Anti-Violence Against Women and their Children kon VAWC human gilusad ang operasyon sa mga kapulisan pasado alas 5 sa hapon adtong Miyerkules didto sa Grand Meadows, Purok-4, Barangay Batangan, Valencia City, Bukidnon.
Giila ang suspek nga si Aldren Calubag, 37 anyos, ulitawo, lending collector, ug residente sa naasoy nga lugar.
Gipasakaan sa warrant of arrest ang suspek sa paglapas sa RA 9262 kon VAWC nga gipakanaog sa korte ni Eldred D. Cole, Presiding Judge sa Regional Trial Court, Branch 45, Malaybalay City, Bukidnon pinitsahan Enero 17, 2023, ug adunay girekomendang piyansa nga mukabat sa P36,000.00 alang sa temporaryong kagawasan.
Nakakustodiya na karon sa Valencia City Police Station ang suspetsado alang sa tokmang disposasyon.
Facebook Comments
