Davao City- Nireklamo sa Hagonoy Municipal Police Station sa Davao del Sur ang usa ka account officer sa BCS Lending Investor Cooperative nga giilang si Arjell Tungal Tormis, 22 anyos sa dihang gisaka sa usa ka wala mailhing suspek ang ilang opisina ug gikawat ang dakung kantidad sa kwarta.
Sumala sa report sa Hagonoy PNP nga bandang alas 8:30 sa buntag kaniadtong adlawng Domingo, nakuyawan na lamang ang complainant kuyog ang iyang kauban sa trabaho nga abri na ang likod nga bahin sa ilang opisina ug naguba ang pultahan niini nga hinimoan matud pa sa kawatan.
Nakurat sab ang duha sa dihang nakita nila ang bank vault nga nabungkag na ug nawala ang sulod nga kwarta niini nga mokantindad og 160,000 pesos lakip na ang mga ATM card ug uban pang importanteng dokumento.
Sa karon, nihimo na ang kapulisan og follow up investigation aron mailhan ang suspetsado nga nilungkab sa nasangpit nga establisemento.
RadyoMan Don Pulayao
