Miani ug nagkadaiyang reaksyon ang nahitabung labing unang kasal sa parehung babaye dinhi sa rehiyon sa Caraga, kagahapon sa hapon. Gikasal sa Nendotel sa Bayugan city, Agusan del Sur sila si Alice Crisostomo ug Honey Abiñon pinaagi ni Rev. Ceejay Agbayani sa LGBTS Christian Church isip officiating priest. Adunay nagkondina sa maong kasal gamit ang pagtulon-an sa Bibliya nga nagdili sa relasyon ug pakighilawas sa parehas ug kinatawhan. Nipagawas usab ug suporta ang ubang mga netizens nga matud pa suportahan ang duha sa ilang kalipay ug panaghigugmaay. Pamahayag ni Isagani “Ysang” Bacasmas, Chairman sa Ladlad Caraga nga sila si Alice ug Honey ang labing unang LGBT nga gikasal dire na sa rehiyon. Sumala pa bisan tood wala pay balaod sa same sex marriage dinhi sa Pilipinas apan magamit ang ilang marriage license sa mga nasud nga giila ang same sex marriage. Og para niya ang maong kasal usa ka “sagrado.”
Niya pa nga ang duha nagkaila pinaagi sa Facebook diin si Alice ang taga Brgy. Antongalon Butuan City nga nagtrabaho sa Japan samtang si Honey ang taga Bayugan City, Agusan del Sur. Dugang pa nga mismo ang “girl” maoy ni-propose ug kasal ngadto na kang Honey nga usa ka LGBT.
Sent from my Samsung Galaxy smartphone.
