Kun adunay ‘object lesson’ nga angay natong makat-onan diha sa nagpadayong political crisis sa nasud sa Zimbabwe karon, kana mao nga ang tanang mga totalitarian regimes aduna gayuy katapusan.
Sa iyang analysis sa political development karon sa Zimbabwe ubos sa 93 anyos nga dictator nga si Robert Mugabe, gisulti ni UP political science professor Clarita Carlos nga pagpakita kini nga angay sensitibo ang tanang mga lideres sa sentimyento sa tawo.
Matud ni Carlos, maayo unta ang pagsugod sa liderato ni Mugabe apan inanay kining nagkamaut sa dihang nausab ang dagan sa iyang mga palisiya sulod sa 37 anyos nga administrasyon.
Usa sa gitumbok sa analyst mao ang nahimo niyang paglutos sa mga taga-oposisyon ilabi na sa mga White Africans ug sa tanang mga kritiko sa iyang pamunuan ingon man ang gikabalak-an sa mga Zimbabweans nga kapakyas nga siya motuman sa electoral process, inay iyang gihikyad ang political succession sa iyang kaugalingong kapikas nga si Grace Mugabe.
Niadtong November 15, 2017 si Mugabe gibutang sa house arrest sa Zimbabwe National Army sa usaka ‘bloodless coup d’etat.’
Kagahapon, pormal na nga nikanaug sa pwesto si Mugabe haron molingkod ang kanhi Vice-President nga si Emmerson Mnangagwa una pa man sugdan ang gihukad nga impeachment complaint sa iya ra usab nga mga nadismayang mga kapartido sa Zimbabwe African National Union (ZANU).
RadyoMan June Duterte
