Gi-anunsyo sa Bukidnon State University kon BUKSU nga sa secondary education mukabat sa 236 ang nakapasar sa September 2019 Licensure Examination for Teachers kon LET gikan sa 365 nga na take sa mao nga pasulit sa unang higayon.
Sa interview sa RMN Malaybalay ngadto kang Dr. Mercidita Villamayor, Dean sa BUKSU College of Education, gibutyag niini nga ang mao nga ihap nakatala ug 64.66% percent passing rate.
Samtang sa Bachelor of Elementary Education adunay nakapasar nga 192 gikan sa nagtake nga 234 o anaa sa 82.5 percent passing rate.
Matud ni Dr. Villamayor nga kung ikumpara sa mga nakalabay nga LET mas daghan ang nakapasar sa katapusang pasulit.
Sa nakalabay nga tuig 47% lamang ang nakapasar sa pasulit gikan sa BUKSU.
Gipasalamatan usab sa Dean ang mga ginikanan sa suporta nga ilang gihatag sa ilang mga anak.
Mahinumduman nga upat ang nag topnotcher sa LET nga gikan sa BUKSU karong tuiga alang sa elementarya samtang duha sa sekondarya.
