Boto sa drums, lyre ug cymbals ang misugat namo gikan niining grupo sa manaygonay. Pasado alas 6 karong gabhiona, mitoktok sa amoang pinuy-anan diri sa may Barangay Guadalupe ang all-male carollers nga taga Barangay Labangon, Cebu City.
Gipanganlan nila ilang grupo isip “Tres Lab”. Gilangkoban ni og 5 ka miyembro nga puro pud instrumentalists sa usa ka Drum and Bugle Corps.
Kinsa ba guy di makakuot sa bulsa kung pareha pud ka maayo nila ang manaygon sa inyong tugkaran. Mitogtog sila og mga sikat nga kanta sa pasko sama sa “Kasadya” ug “We Wish You A Merry Christmas”.
Maong di gyud ikalimod nga level up gyud ni nga istilo sa pagpanaygon. Maong ako (bisag tihik ko) mihog ko og 100 pesos sa ilang pasundayag. Nalingaw ug nalipay kaayo ko.
Mao pud ni ang first time nga gidaygonan mi sa akong pamilya karong paskoha. Unya, with instruments pa. Di ba laysho ra?
Kung ikaw ang bisitaon nila, pila kaha imong ihug idol? Unsa pud kaha imong irequest nga kanta sa pasko?
Christmas countdown ta idol. November 17, 2017 karon ug 38 days na lang sa dili pa ang pasko! [kidhat]
