LGBT proud gihapon kang Gazini

Davao City – Garbo gihapon sa Pilipinas labi na sa sektor sa Lesbian, Gay, Bisexual, and Transgender (LGBT) community kang Gazini Ganados bisan og wala kini miabot sa top 10 sa Miss Universe 2019.

Sa interbyu sa DXDC RMN Davao kang Norman Baloro, spokesperson sa LGBT-Davao, gisaysay niini nga gihimo sa pambato sa Pilipinas ang tanan aron sulayan nga mauli ang korona.

“Nakit-an nato nga si Gazini nasulod sya sa top 20. Mas na-appreciate pud nato ang iyang effort, confidence and even ang iyang preparations nga maningkamot that could also bring home the crown,” segun ni Baloro.


Dugang ni Baloro nga posibleng dili lang gyud panahon ni Gazini ug sa nasud nga subling makuha ang korona.

“She fought a good fight but maybe, siguro dili lang gyud destined for her to have our back to back nato nga crown,” saysay ni Baloro.

Nasayran nga gideklarang Miss Universe 2019 si Zozibini Tunzi, ang pambato sa South Africa.

RadyoMaN Kirby Manzon

Facebook Comments