Walay hunong sa pagplano alang sa kalamboan sa dakbayan sa Butuan si Mayor Ronnie Vicente Lagnada.
Subay niini, gipahigayon kagahapon ang Public-Private Partnership Institute (PPP) Conference dinhi sa syudad kauban ang Asia PPP Institution sa Tokyo University, Japan sulod sa Almont Inland Resort Hotel ning syudad.
Katuyuan sa maong conference nga gi-sponsor sa LGU Butuan mao ang pagtagbu ug pagtapok sa tanang mga PPP stakeholders aron magbayloay ug huna-hunma aron mamahimung mas epektibo pa ang pagpatuman ug mga proyekto alang sa kalamboan pinaagi sa konsepto’ng PPP.
Nanguna sa aktibidad si Mayor Lagnada kauban si PCOO Sec. Martin Andanar nga misaksi usab sa maong kalihukan. Gidayeg ni Sec. Andanar ang lapad nga plano ni Mayor Lagnada sanglit nahisubay usab kini sa “Build Build Build” program ni Pang. Rodrigo Duterte.
Kahibaloan nga kanunay nahimung kaabag sa gipatumang proyekto ni Mayor Lagnada dinhi sa dakbayan sa Butuan ang mga investors gikan sa Japan ug pinaagi niini nga programa misamot paglig-on ang relasyon sa LGU Butuan ug nasud sa Japan (WITH REPORT ARCHER CAPADESO/IVY FALCONE).
