Matud ni Davao City Mayor Sara Duterte-Carpio (sa livestream interview sa iyang Facebook page), posibleng mahitabo ang pagsutoy sa kaso sa COVID-19 sa musunod nga mga bulan diin kini posible gihapong mahitabo ilabina nga anaa gihapon ang pandemya.
Gipasabot ni Mayor Sara, taas ang incubation period sa COVID-19 rason nga dili gyud malikayan nga kini makasulod sa nasud.
“Duna ‘tay umaabot nga surge sa COVID-19. Ingon sila, this will come in about two months. But ang akoang prediction, in about a month muabot ang surge sa COVID-19 diri sa atoa. Kini nga surge is sub-variant sa Omicron,” butyag sa alcalde.
Isip pagpangandam, giawhag ni Duterte-Carpio nga magpa-booster ang katawhan ilabina kadtong adunay mga balatian sama sa dialysis patients, diabetic, kadtong adunay sakit sa kidney, mga cancer patient ug uban pang aduna existing nga mga sakit.
Ang booster dose maghatag og dugang proteksyon batok sa unsa mang variant sa COVID-19 aron malikayang mabutang sa severe o critical ang usa ka pasyente ugaling kini mataptan sa virus.
RadyoMaN Kirby Manzon
