Davao City – Ginaplastar na karon sa City Government of Davao ang planong paghatag og insentibo sa mga magpabakuna partikular na sa unang dose batok (COVID-19).
Matud ni Davao City Mayor Sara Duterte-Carpio (sa interbyu sa city-owned radio) nga magtagana ang Local Government Unit (LGU) og duha ka vaccination centers alang sa mga first doser nga hatagan og incentive sa ilang pagpabakuna.
Pagpasabot ni Mayor Sara nga kini ang usa sa mga pamaagi nga magpabakuna partikular na kadtong adunay mga nagkadaiyang rason sa wala pagpa-vaccinate sama sa busy sa pagpanginabuhi o kaha walay pamasahe diin sila mamahimong mahatagan og pagkaon o kaha gift check/gift certificate isip incentive.
“We are already talking about incentivizing the vaccination for 1st dose and there were already suggestions kung paunsa mag-incentivize sa atoang 1st dose. We’ll try that in some of our vaccination centers, and we’ll see kung mudaghan ba ang mga tao nga muadto sa atong vaccination centers,” butyag sa alkalde.
Samtang, sutaon usab karon sa lokal nga panggamhanan pinaagi sa vaccine cluster ang mga barangay sa syudad nga daghan pa ang wala nabakunahan aron didto usab ma-focus ang pagpahigayon sa mobile vaccination.
RadyoMaN Kirby Manzon
