LGU Davao magpatuman og travel restrictions sa mga gikan og China kung kinahanglan

Davao City – Posibleng magpatuman ang City Government of Davao og restrictions sa mga biyahero gikan China human misaka ang ilang Coronavirus Disease 2019 (COVID-19) cases tungod sa pagpaluag sa ilang heath protocols.

Matud ni Dr. Michelle Schlosser, tigpamaba sa Davao City COVID-19 Task Force (sa interbyu sa city-owned radio), naka-andam ang syudad nga magpatuman sa mga gikinahanglang protocols aron malikayan ang posibleng risgo nga hatud niini sa Davaoeños.

“(We will implement travel restrictions) if in case we have a threat on that and it’s very prominent na it can cause massive surge (or) it can cause detriment sa atong city. Wala gyoy pagbag-o sa atong stratehiya. It’s like an umbrella strategy. Kung ting-ulan imong i-open. Kung dili na ting-ulan, imong i-close,” sulti ni Schlosser.

Una nang gisulti ni Department of Health (DOH) officer-in-charge Maria Rosario Vergeire nga wala pa nila nakita nga sirad-an ang borders sa nasud alang sa travelers gikan China tungod sa maong sitwasyon.

RadyoMaN Kirby Manzon