Sumala ni Acting Mayor J. Melchor Quitain Jr., padayon ang pagpahigayon og makuting pag-examine partikular na sa mga school buildings.
Tungod sa libuan na nga natalang aftershocks kinahanglan nga mainspeksyon gayod ang mga gambalay aron masuta kung nakompromiso na ang integridad ug lig-on pa ba kini.
Gilagdaan ni Quitain ang Proclamation No. 9 Series of 2023 sa pagsuspende sa in person classes gikan Kindergarten hangtod Grade 12, lakip na Alternative Learning System (ALS) sa tanang public elementary ug secondary schools sa syudad ug mag-shift ngadto sa blended learning modality (modular or online) sukad December 6 until further notice.
Giawhag usab ang mga pribadong mga tulunghaan nga magpatuman usab niini para sa safety sa mga estudyante ug empleyado.
RadyoMaN Aimee Guinita
