Gikanayon ni Dr. Michelle Schlosser, Spokesperson sa Davao City COVID-19 TF (sa interbyu sa city-owned radio), mas ubos ang natala nga mipanaw karon sa Omicron surge kung itandi niadtong surge tungod sa Alpha, Beta ug Delta variants.
Matud ni Schlosser, nakaandam kanunay ang City Government of Davao sa worst-case scenario gani nakaandam ang Tagakpan mass grave ugaling kini kinahanglanon.
“Mubo ang atong deaths so there is no fear for mass graving. But then again, ang atoang (COVID-19) Task Force always man prepared for the worst scenario,” sulti ni Schlosser.
Gipasabot sa health official nga dako og kahimuan ang ginahimong vaccination rollout batok COVID-19 diin makatabang kini nga dili mamahimong severe o critical ang tawo nga mataptan sa virus.
Niadtong January 25, 2022 sa dihang nakatala og duha (2) ka mipanaw sa COVID-19 ang syudad ug karon anaa 1,828 total deaths ang natala sa dakbayan sa Davao (as of January 27, 2022).
RadyoMaN Kirby Manzon
