Opisyal nga gitunol kagahapong adlawa (Enero 28, 2022) ni City Health Office (CHO) Head Dr. Ashley Lopez kang SPMC Chief of Hospital, Dr. Ricardo Audan ang anaa sa 1,000 bottles o anaa sa 40,000 capsules sa anti-COVID-19 Molnupiravir.
Kumento netizen nga si Lolita Dalugdog, nagpasalamat kini nga aduna nay tambal sa COVID-19 nga miabot sa dakbayan nga dakong tabang sa padayong giatubang nga pandemya.
“Salamat sa Ginoo nga niabot ra gayod ang tambal sa COVID-19, ang Molnupiravir capsule,” kumento niini.
Nanghinaut usab ang netizen nga si Jovans Montejo nga unta kini mapalit na puhon sa mga botika.
Ang Molnupiravir usa ka antiviral medication nga ginagamit sa treatment sa COVID-19 nga apektado sa SARS-CoV-2 virus, diin kini mamahimong itambal sa mild-to-moderate COVID-19 sa adults, 18-anyos nga hish risk sa virus padulong sa severe COVID-19.
Kahinumduman nga niadtong Disyembre 2021 sa dihang giaprubahan sa US Food and Drug Administration (FDA) ang Molnupiravir.
RadyoMaN Kirby Manzon
