Davao City- Nipaabot og tabang ang City Government of Davao ngadto sa pamilya sa tulo ka mga estudyanteng nalumos patay sa Liloan Riverside, Purok Sunflower, Mandug, Davao City.
Sa interbyu sa DXDC RMN Davao kang Harvey Lanticse, Davao City Information Officer, pinaagi sa City Social Welfare and Development Office (CSWDO) gipailawom sa psychosocial support ang pamilya sa mga biktima.
Nitunol usab og food packs ang lokal nga gobyerno.
Gi-extend ang psychosocial intervention ngadto sa mga elementary classmates sa mga biktima sa Buhangin Central Elementary School SPED Center.
Samtang, matud ni Public Safety and Security Office chief Angel Sumagaysay, kinahanglang mag-igmat gayod ilabina ang mga namuyo duol sa sapa ug hugot nga nagpahimangno nga bantayan ang mga bata aron dili na masubli pa ang trahedya.
RadyoMaN Aimee Guinita
Facebook Comments
