LGU Davsur andam mudawat og donasyon sa flood-affected victims

Davao City – Nanawagan karon ang Provincial Local Government Unit (PLGU) sa Davao del Sur sa publiko nga sila andam nga mudawat og donasyon nga magamit sa mga nabiktima sa baha sa probinsya.

Sa interbyu sa DXDC RMN Davao kang Sherwin Cesar, Information Officer sa Davao del Sur, gisaysay niini nga mamahimong ipaabot sa PLGU ang mga donasyon aron kini matunol labi na niadtong mga biktima nga wala gayoy nasalbar nga gamit tungod sa pagbaha.

“Nanawagan kita nga kung naa ‘tay mga extra nga used nga mga sinina, pwede siguro nato tigumon ug atong ipaabot didto sa mga hingtungdan labi na didto sa Malalag kay grabe gyud ang epekto didto sa pagbaha,” panawagan ni Cesar.

Ang DXDC RMN Davao pinaagi sa RMN Oplan tabang, andam nga mudawat sa mga donasyon sama sa sinina, habol, canned goods, hygiene kit, ug uban pa aron kini mahatud sa mga flood-affected victims.

Mamahimong ihatud sa RMN Broadcast Station ang donasyon nga makita sa 2nd Floor, San Vicente Building, Anda Corner Bonifacio Streets, Davao City.

Sa dugang kasayuran, tawag o text sa 0970-612-7978 o (082) 227-4571.

RadyoMaN Kirby Manzon