General Santos City—mukabat sa 17 ka x95 Tavor 5.56 riffle ang gidonar sa Local Government Unit sa Gensan ngadto sa Gensan City Police Office.
Kagahapong adlawa, hingpit nga giturn-over sa pagpanguna ni Gensan City Mayor Ronnel Rivera ang maong mga armas ngadto kang Police Senior Supt. Romeo Ruel Berango ang 17 ka mga armas sa Gensan City Police Office.
Ang maong mga armas nagkantidad ug 3.06 million pesos ug ginama matud pa sa nasud Esrael.
Nasayran nga miabot ug duha ka tuig ang procurement sa maong mga armas mao nga gikalipay ug dako ni Gensan City Mayor Ronnel Rivera nga hingpit nang na-materialized ang pagdonar sa LGU Gensan ug Armas sa kapulisan sa syudad.
Sayod ang mayor nga kinahanglan pa ug dugang armas ang kapulisan sa dakbayan mao nga siya naghimo ug inisyatibo aron nga makapalit ug high-end nga pusil nga makatabang sa operasyon sa kapulisan.
