General Santos City–Gisupalpal ni Gensan City Mayor Ronnel Rivera ang mando sa DILG nga himuong mandatory ang pagbutang ug barrier sa usa ka sakyanan ilabi na ang motorsiklo gumikan kay dunay balaod sa RA 4136 nga gibawal ang pag modified sa mga motorsiklo rason nga gitahasan niini ang mga abogado nga mosulat ngadto sa maong ahensya unsa ang angay nilang buhaton kalabutan sa pagbutang ug barrier sa mga motorsiklo.
Gihangyo usab sa Mayor nga dili usa manakop ang kapulisan hangtod nga wala pay tubag ang DILG sa sulat nga ilang gipadala alang sa pagpaklaro unsay angay nilang buhaton.
Samtang kalabutan usab sa faceshield gibutyag sa Mayor nga ilang gisuportahan kini para lamang sa pampublikong transportasyon tungod kay dako kining matabang sa katawhan alang sa dugang proteksyon apan dili kini mandatory sa pagkakarun kundili ang mandatory lamang ang pagsul-ob ug facemask.(RV)
