General Santos City— Gipaklaro ni Atty. Arnel Zapatos, City Adminsitrator sa lokal nga panggamhanan nga nagpabiling anaa sa 60 kilometers per hour ang speed limit sa national highway ning dabayan.
Apan base matud pa sa R.A 4136 kinhanglan ipatuman ang 20 kilometers per hour higayon nga adunay eskwelahan, hospital, malls o hilabihang ka-busy sa dalan.
Rason nga kung makita sa ilahang gipagawas nga mapa, adunay red zone gikan sa usa ka pribadong tunghaan nga nahimutang sa national highway padulong sa brgy. Baluan gumikan adunay daghang tunghaan, mall ug adunay hospital sa maong dalan.
Apan dili matud pa pasabot nga 20kph lang ang mamahimong dagan sa mga sakyanan tungod higayon nga makalampas na sa maong mga establsihemento, mamahimo na matud pa nga mag-resume sa 60kph.
Pag-angkon niya nga adunay kakulangon sa ilahang kabahin gumikan ang naunang napangbutang nga mga signage mao ang 20kph ug wala nabutang ang mga signage nga resume speed nga 60kph tungod ang mga personahe lang sa traffic engineering maoy namutang niini ug tungod sa kalapad sa syudad, wala nila natapos sulod sa duha ka adlaw.
Nangayo man usab kini ug pagsabot sa publiko gumikan sa maong insidente. Pagpaklaro niya ng ang mga signage nga gibutang sa mga lugar duol sa traffic light ang gipangtanggal na tungod mandatory matud pa ang pagmenor sa mga lugar nga adunay traffic light.
Dugang pamahayag ni Atty. Zapatos nga dugay na ang maong balaud ug karon lang hingpit nga gipatuman sa lokal nga panggamhanan gumikan ilaha usab kining gitun-an ug gisubay sa mga ordinansang ginapatuman sa dakbayan lakip na kaso sa mga insidente sa dalan.
Pagpaklaro niya nga ilalom sa R.A 4136, anaa sa 80 kilometers per hour ang maximum nga speed limit sa national highway apan sa dakbayan ginapatuman ang 60 kph alang na usab sa kaayuhan sa kadaghanan.
Nanawagan man usab kini ug suporta sa katawhan gumikan bag-o pa man kining gi-implementa ug obserbahan una ang mamahimong resulta. Ayha matud pa kini nahimong balaud pinagi sa kongreso, gitun-an usab sa mga kongresista ug mga senador ang mamahimong epekto niini sa mga sakyanan.
