General Santos City–Welcome alang kang General Santos City Councilor og Atty Jeng Gacal Jr., nga mao usab ang kasamtangang Committee Chairperson sa Peace and Order sa Gensan City Council ang bag-ong napiling labaw sa Philippine Derugs Enforcement Agency kon PDEA12.
Kahibaluan nga niadtong milabayng semana pormal nga milingkud isip PDEA 12 Regional Director si Valente Careño hulip san a relieved nga si PDEA 12 Director Gil Castro.
Sa pamahayag ni Kagawad Gacal sa pakighinabi kaniya sa RMN Gensan nga lauman matud pa sa bag-ong labaw sa PDEA 12 ang 100% nga suporta sa lokal nga panggamhanan sa Gensan sa kondisyon nga musubay lamang sila sa kung unsa ang mandate kanila sa matag operasyon nila kontra droga og walay pagpangabuso nga mahitabo ngadto sa ilahang mga target sa operasyon.
Dugang panghinaut ni Kagawad Gacal ngadto sa liderato ni Director Cariño nga mausab na unta ang mga maot nga imahe kanaidto sa PDEA 12 kung asa nahimong kontrobersiyal ang kalit kalit nga pag relieved sa pwesto sa naunang performing PDEA 12 Director nga si Gil Castro tungod sa mga reklamo sa pipila nila ka mga target sa operasyon nga hulidap og pagkawagrtang sa pipila ka mga butang sa matag drug raid.
Gani sa bahad ni Kagawad Gacal ngadto sa bag-ong labaw sa PDEA12 nga dina ulanon og reklamo ang ilahang buhatan sa isyung pagpananum og mga ebendensiya ngadto sa ilahang mga drug operation. (Emir Bariquit)
