General Santos City— Napahigayon na ug kaugalingong imbetigasyon si Koronadal City Mayor Peter Miguel kalabot sa operasyon sa RPDEU nga tulo ang patay lakip na ang kanhing Brgy. Kagawad.
Sumala niya nga uban sa mga target ang nagpa-ilalom sa community based drug rehab programs sa syudad rason nga iyaha karong gi-kwestyon nganong napatay sa operasyon.
Dugang pamahayag ni Mayor Miguel nga basi sa iyahang kasayuran, kanhing nahilambigit sa illegal nga droga si kanhing Brgy. New Pangasinan Kag. Sunga apan dugay na kini nga panahon.
Wala man matud pa siya nasayud kung aduna kini armas nga ginadala-dalao dili ba kaha nagtago sa ilahang panimalay.
Nagdumili man usab siya sa pagkomento sa alegasyon palnted ang mga ebidensya ug tinuyuan ang pagpatay sa mfga target gumikan nagpa-abot una siya sa resulta sa ilahang imbestigasyon
