Sarangani Province—Gibutyag ni PDEA Director General Aaron Aquino nga ang Malungon ang ilang gipiling mahimong pilot municipality sa balay silangan gumikan na usab sa suportang gihatag sa lokal nga panggamhanan sa lungsod.
Nasayran nga naggahin ang LGU Malungon sa pagpanguna ni Mayor Atty. Theresa Constantino ug pundo alang sa pagtukod sa gambalay ug pagpalit ug mga pasilidad alang niini.
Samtang ang papel sa PDEA ang pagtutok sa mga drug surfacing personality pinaagi sa pagtabang kanila aron hingpit na nilang biyaan ang bisyo sa droga.
Samtang aduna usab silay counterpart sa mga pasilidad sa Balay Silangan kansa gamiton sab sa mga mopailawom sa maong programa.
Giklaro pa ni Aquino nga dako ang mamahimong tabang sa Balay Silangan aron nga matabangan kadtong mga tawong buot byaan ang droga.
Nasayran nga human sa Malungon, sunod sunod na usab nga ipahigayon ang launching sa Balay Silangan sa uban pang lugar dinhi sa nasud.
