LGU Manolo Fortich, mipahimangnu sa katawhan batok sa illegal nga namaligya og yuta

Mipahimangnu karon ang lokal nga pangagamhanan sa Manolo Fortich, Bukidnon ngadto sa katawhan batok sa mga illegal nga namaligya og yuta.

Kini human mipagula og Notice of Violation ang Department of Human Settlements and Urban Development (DHSUD) batok sa usa ka pribadong kompanya partikular na ang North Ridge Marketing Consultancy Services tungod sa ilegal nga pagpamaligya og yuta sa Barangay Lingion sa Manolo Fortich.

Base sa sulat gikan sa buhatan, nga sa ilang gihimong evaluation ug verification sa ilang records, namaligya og yuta ang nasangpit nga kumpanya nga walay Development Permit, Certificate of Registration and License to Sell lakip ang pakyas nga pagkuha og Advertisement Approval.

Gipahimangnuan karon ang publiko nga magmaigmat sa mga iligal nga gapamaligya og yuta sa lungsod nga walay maipakitang mga pertinenteng dokumento.

Mamahimong mutawag sa Office of the Municipal Planning and Development Coordinator sa numerong 0917-729-3502.