LGU sang Roxas City, nagpapanaog sang isa ka executive order nga nagadumili sa publiko sa pagpadulong sa mga pampubliko kag pribado nga sementeryo subongman Memorial Parks sa syudad sang Roxas umpisa Oktubre 29 tubtob Nobyembre 4, 2020

45

Roxas City, Capiz – Isa ka executive order ang ginpapanaog sang LGU sang Roxas City nga nagadumili sa publiko sa pagpadulong sa mga pampubliko kag pribado nga sementeryo subongman Memorial Parks sa syudad sang Roxas agud duawon ang mga minatay umpisa Oktubre 29 tubtob Nobyembre 4, 2020.
Ini ang bilang pagsunod sa ginpapanaog nga order halin sa nasyonal bangud man sa peligro nga dala sang CoVid-19 kun sa diin hugot nga guinadumilian ang pagtililipon sang madamo nga tawo.
Paagi sa Executive Order No. 31 nga ginpapanaog ni City Mayor Ronnie Dadivas, igasara sa publiko ang tanan nga pampubliko kag pribado nga sementeryo subongman Memorial Parks sa Roxas City humalin Oktubre 29 tubtob Nobyembre 4, 2020.
Samtang ginpahayag ni Lt Col Ricardo Jomuad Jr sang Roxas City Police Station nga base sa ginpaguha sang Inter Agency Task Force for the Management of Emerging Infectious Diseases nga Resolution No. 72, dapat i-obserbar ang mga guidelines sa implementasyon sang Community Quarantine sa Pilipinas sa pag-obserbar sang All Saint’s Day kag All Soul’s Day.

Facebook Comments