Mambusao, Capiz – Kapin sa 481 ka sako sang mala kag malimpyo nga palay ang nabakal sang NFA Capiz Mobile Procurement Team sa munisipyo sang Mambusao, Capiz sang nakaligad nga Oktubre 20, 2020.
Sa pagpamuno ni NFA Capiz OIC Herrielle Jumagbas, target sang nasambitan nga aktibidad nga mabuligan ang mga small rice farmers sang banwa sang Mambusao nga nabudlayan mag-transport sang ila ani padulong sa NFA warehouses.
P19/kg ang bakal sang NFA sa ‘clean and dry palay’.
Ang NFA Capiz Mobile Procurement Team ang ginapamunoan ni Team Leader WS II Valerie Olmos, Grains Classifier Rosa Lozada kag Special Disbursing Officer.
Padayon sa gihapon ang pag-enganyo sang ahensya sa mga mangunguma nga kun mahimu, iderikta na lamang baligya sa NFA ang ila nga ani nga palay. Ang NFA-Capiz ang may yara sang gin-disegnar nga buying stations nga nahamtang sa banwa sang Sigma, Dumalag kag diri sa Barangay Bolo, Roxas City.
Nahibaluan nga sa Oktubre 19 tubtob 23, 2020, ang NFA Capiz ang nakabakal sang kabug-osan nga 30,282 bags (at 50kg/bag) sang mala kag limpyo nga palay.
photo(c)- NFA Capiz
