Sigma, Capiz – Nakahanda nga maghatag sang bulig pinansyal ang lokal nga gobyerno sang Sigma sa napatay nga casual utility employee sang amo nga banwa matapos ini ang nakuryente samtang yara sa linyada sang trabaho.
Ini ang ginpasiguro ni Sigma Mayor Christopher Andaya kun sa diin ginmandu na sini ang pagpangita sang pondo para sa paghatag sang bulig pinansyal sa mga biktima.
Sa matandaan wala gid makasalbar ang biktima nga si Domingo Roce Bacalangco, 69-anyos sang Poblacion Sur Sigma, Capiz matapos ini ang makuryente samtang nakaangkon man sang paso ang kaupdanan sini nga nakilala kanday Jolan Telesforo Delco, 50-anyos sang Poblacion Sur Sigma, Capiz kag Oliver Vargas Orera, 43-anyos sang Barangay Capuyhan, Sigma, Capiz.
Sa interview sang news team kay Andaya, ginsiling sang alkalde nga nagpatigayon man ini sang kaugalingon nga imbestigasyon sa amo nga insidente.
Nagaguha nga aksidente nga natandug sang salsalon nga frame sang tent/canopy ang live wire nga nagakonektar sa junction box sang munisipyo kabangdanan sang pagkakuryente sang nga biktima.
Nahibaluan nga ang nasambitan nga tent ang ginpa-obra sang munisipyo agud nga ipahamtang kuntani nga pasilungan sang mga nagaduty nga kapulisan, BFP kag mga responders sa sementeryo sang Sigma.
