Usa sa sector sa agrikultura ang kanunay lamang magmulo tungod sa kabarat sa presyo sa ilang mga produkto kini mao ang industriya sa lube.
Sa miaging mga tuig sigun pa sa mga mag-uuma sa lube halos pangayuon na lamang ang presyo sa copras, diin ang halin dili makabastante sa gasto sa pag kopras.
“ Ang lube kapila kini hikapa sa dili pa mauga isip kopras, gikan sa pagkuhit, pag hakot, pag bunot, paglanda, paglugit pulos kana suhol, apan inig baligya barato kaayo”, reklamo sa mag-uuma sa lube nga gipadangat sa RMN DXBC Butuan.
Apan sa kasamtangan adunay good news ang mga coco farmers, subay sa gipagawas nga updated copra price sa Caraga Region sa Philippine Coconut Authority PCA, sugod October 26, 2021 misaka na sa P 48 kada kilo ang farm gate price sa copras sa Butuan City, P 38.50 Agusan dek Norte ug P 39.00 sa Agusan del Sur, P33.80 Surigao del Sur, P36.58 Surigao del Norte, P 30.71 sa Dinagat Province.
Lauman nga magpadayon kini hangtud sa katapusang bahin sa tuig.
