Ginaplastar sa subong sang local government unit sang Surallah ang paghatag sang cash assistance kag food packs sa mga apektado nga empleyado sang mga establishemento nga temporaryo nga nag-untat ang operasyon kapareho sang parlor, resort kag iban pa.
Ini matapos sang ginapatuman nga restrictions sa banwa paagi sa executive order ni Mayor Antonio Bendita nga palawigon pa tubtob Mayo 31, 2021 tungod sa padayon nga pagsaka sang COVID – 19 sa banwa.
Suno kay Mayor Bendi*t*a base sa inisyal nila nga istoryahanay yara sa P1k ang ihatag nga cash assistance sa mga displaced workers, apang ipinalisar suno pa ini sang local finance committee sang LGU.
May-angot sini, suno sa alkalde ginakuha nila sa subong ang listahan sang mga empleyado nga apektado.
