Gindeklarar sang local government unit sang T`boli nga persona-non-grata ang grupo sang New People’s Army ukon NPA paagi sa ginpasar nga resolution sang Sangguniang Bayan sini.
Base sa Resolution No. 94 series of 2019 “Resolution Denouncing the Atrocities of Communist Party of the Philippines-New Peoples Army-National Democratic Front (CPP-NPA-NDF) and Declaring the Same as Persona-Non-Grata sa banwa nabalhag ang mga ginhimo sang nasambit nga grupo nga pagpanunog sang heavy equipment sang mga private contractors, extortions, recruitment sa mga minors kag iban pa nga terroristic activities sa banwa sang T`boli kag kaiping nga banwa sa probinsya.
Suno kay T`boli Mayor Dibu Tuan ang pagdeklarar sa CPP-NPA NDF nga persona non grata ang sabat sa mando ni Presidente Rodrigo Duterte nga whole-of-nation approach sa pagpakig-away sang insurgency paagi sa EO 70.
May-angot sini, ginahahangkat niya ang mga miyembro sang NPA nga magpanaug na kag magbalik sa sabak sang gobyerno tungod may naplastar naman nga intervention ang gobyerno para sa ila.
Ginpahayag ni Tuan nga lakip man sa EO 70 ang pagmando sa mga LGUs nga tutukan ang environmental protection, pabakudon ang disaster preparedness and resiliency, kag i-sustain ang delivery of basic services tubtob sa barangay level.
Samtang nagpanday man sang kapareho nga resolution ang Sangguniang Bayan sang Tampakan nga nagadeklarar nga persona non grata sa CPP- NPA – NDF.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
