Nagpasar sang isa ka municipal ordinance ang local government unit sang T`boli nga tapuson na ang naandan nga ginapractice sang tribal group nga pagpatuman sang mediation sa kaso sang sexual abuse, rape kag incest nga ginaimbolberan sang mga IP children.
Katuyuan man sang ordinance number 171 series of 2019 sang T`boli ang pagpabakod sang programa sa child protection paagi sa pagplastar sang policies and guidelines kag painan sang nagakaigo nga pondo.
Suno kay T`boli Mayor Dibu Tuan nga sa subong nga panahon may mga tradisyon kag kultura ang mga IP`s nga indi na pwede ipadayon kag ini ang nakasugtan naman suno pa sang mga tribal leaders sa banwa.
Dugang niya nga madugay naman nila nga ginapatuman ang pagdula sang nasambit nga cultural practices lakip na dire ang early marriage nga ang negosasyon sa tunga sang mga ginikanan.
Sa subong ang nasambit nga ordinansa sang LGU T`boli ang yara na sa Sangguniang Panlalawigan para sa review kag sang Lunes nga adlaw nila nga regular session ang nacommittee report na sang Committee on Muslim Affairs and Indigeneous Cultural Communities/Indigeneous Peoples nga ginapamunuan ni IPMR Board Member Edgar Sambog,
