El Local Inter-Agency Committee junto con losdemas ahensya del govierno hay conduci el inspeccion del losdemas mga mga caseriyas que bajo na proyecto del Zamboanga City Roadmap to Recovery and Reconstruction (Z3R) na barangay Tulungatung maƱana, para fuede determina si embuenamente ba fuede ocupa coneste maga casa el tal mga beneficiaryo del proyecto.
Asegun con el Committee chairman on infrastructure del consejo local, Jimmy villaflores, el LIAC, que ta encavesa el alcalde Beng Climaco, ya deriji tambien con el Housing Division junto con el City Social Welfare and Development Office (CSWDO) para man proceso el evacuation del 326 familia que presentamente ta ocupa con el mga caseriyas plantao na Sitio Dubai, Tulungatung para privini algun accidente desfues ya man collapse el uno del maga casa na lugar del February 14.
Asegun con Villaflores, hinde ele satisfechao con el explanaccion del NHA Zamboanga head Engr. Al Indanan que donde ya esplica este que el Tulungatung Housing project bajo pa na proceso de project termination pending compliance del NHA final acceptance findings, y el diila oficina hay sumite el evaluation report na LIAC. ā *BHONG SIMBAJON/RMN News*
