By: Edgar T. Dagumo
Zamboanga del Norte- Hingpit na nga gibiyaan ni Governor Roberto Uy ang Liberal Party (LP) human nanumpa sa PDP-Laban niadtong Desyembre 7, 2017 didto sa Marikina City.
Kauban ni Uy nga milayat gikan sa bandong liberal ang iyang bise gobernador Atty. Senen Angeles, 6 ka mga board members ug 18 ka mga mayores sa Zamboanga del Norte.
Sa exclusibong interview sa RMN DXDR Straight to the Point kang bise gobernador Angeles iyang gipasabot nga tumong sa ilang pagpasilong ug laing bando mao ang pagpakita sa katawhan sa probinsya nga silang mga opisyales hugot nga misuporta sa mga programa palisiya sa administrasyon sa nasud aron maka-angkon ug kalambuan ug himaya kay mao kini ang mga panglantaw sa mga opisyales sa probinsya sa Zamboanga del Norte.
Nahimutang nga solido taga suporta na karon Sa PDP-Laban ang Zamboanga del Norte susama sa kanhi partido nga ilang gibiyaan ang liberal party kondiin pamahayag pa sa maong bise gobernador sila na mismo ang mga lehitimong PDP-Laban suporters sa Zamboanga del Norte ang giila sa taas.
