[image: IFM 919 Logo (1).jpg]
GIKUMPERMA sa Public Employment Service Office (PESO-Gensan) nga liboan ka mga job and career opportunities ang ilahang giandam alang sa pagsugat sa bag-ong tuig pinaagi sa unang job’s fair nga ipahiagyon alang sa mga job seekers.
Kini ang nahimong kumpermasyon ni Nor Juanday, ang labaw sa PESO-Gensan, nga lauman matud pa ang liboan ka mga job offers sa mga job seekers hatud kanila sa nagkadaiyang kompanya diri sa dakbayan.
Gikadugang pa sa maong opisyal nga midaghan usab ang mga nakaangkon og mga trabaho milabayng tuig nga nahidangat sa ilahang buhatan.
Sa karon wala pay gipagawas nga adlaw ang PESO-Gensan kon kanus-a magsugod ang unang job’s fair sa Gensan apan mas maayo matud pa nga samtang sayo pa, iandam na ang tanang dokumento nga gikinahanglan sa pagpang-apply.
