Arestado ang mag-live in partner nga pangayaw halin sa Cebu matapos ginpaidalum sa buy bust operation sang Regional Drug Enforcement Unit ukon RDEU alas 6 sini nga gab-i(Enero 8) sa Barangay Tanza Esperanza Zone 1 sa City Proper.
Ginkilala ang mga subject nga sanday Raymund Baclado, 28 anyos sang Mandaue City, Cebu kag Janice Pansoy, 22 anyos sang Naga City, Cebu.
Gin-aresto ang duha matapos mabaklan sang isa ka sachet sang suspected shabu sa balor nga 4,100 pesos kag nakuha pa gid ang 21 ka sachet sang druga nga ginapahayag napartesener para sa palaabuton nga Dinagyang Festival.
Nag-abot ang mag-live in sa siyudad sang Iloilo halin sa Cebu sang Enero 8 kag nag-renta sa balay ni Kagawad Archie Agustin sa nasambit nga Barangay.
Subong man, na-monitor sila sang RDEU kabangdanan ginlunsar ang buy bust operation kag nangin madinalag-on.
Naglab-ot sa kapin 700 mil pesos ang street value sang narecover sa ila nga suspected shabu nga ginapahayag ginakuha nila halin sa Cebu.
