El City Jail Warden si Chief Insp. Nathaniel Aljas ya inicia programa para del maga anac del maga detenido el que se llama “Summer Operation Alot” o el libre curtada de pelo para con el maga bata.
El programa ya conduci enantes aga donde todol maga visita del maga detenido quien ta sigui diila cada-y-cual maga anac puede manda curta pelo.
Asegun con Aljas este clase de programa ya pensa le hace tiene que hace como preparacion tambien para na abrida del clase na mes de Junio que viene.
Mas de ese, tiene tambien ya ofrese film viewing para con el maga bata y libre merienda.
El actividad ya comensa alas 9 del aga hasta alas 12 del medio dia.
Si Aljas ya habla este manera puede manda sinti con el maga detenido y diila familia que gende sila dejao na sociedad amediante ta enfrenta sila caso na corte.
Mientrastanto, asegun con Aljas ta alcansa ya de 3001 total numero del maga detenido adentro del City Jail.
