Pirmado na ni Presidente Rodrigo Duterte ang Republic Act 11230 o ang “Tulong Trabaho Act”.
Tinutuyo sini nga masolusyunan ang problema sang job-skills mismatch sa pungsod kag mapapag-on ang kwalipikasyon sang Filipino workforce.
Sa idalom sini, makaangkon sang “Tulong-Trabaho Fund” nga pagagamiton agud mahatagan sang libre nga access sa technical-vocational education ang mga qualified recipient kag libre nga training nga pangunahan sang Technical Education and Skills Development Authority (TESDA).
Lakip sa mga makabenipisyo diri ang mga wala sang trabaho nga naga-edad 15 anyos pataas pati na ang mga employed worker nga luyag pa ma-develop kag mapasangkad ang ila ikasarang sa trabaho.
Pebrero 22 pa sang ginpirmahan ni Presidente Duterte ang “Tulong Trabaho Act”.
May 60 ka adlaw ang TESDA para maghimo sang implementing rules ang regulations sang layi kag mangin epektibo naman 15 ka adlaw matapos nga ma-publish sa Official Gazette o sa mga pahayagan.
(pctto)
