LIBRE SAKAY PARA SA MGA SENIOR CITIZENS UG PWD, MAY LIBRE PA NA TUBIG TAGPANHATAG ATOL SA SELEBRASYON SA KALAG-KALAG SA SISON, SURIGAO DEL NORTE
May libre na sakay sa multicab para sa mga Senior Citizens, mga kabdos ug Persons with Disabilities(PWD), lakip an libre na tubig sa pagbisita nila sa sementeryo sa Sison, Surigao del Norte Sa nakuha na impormasyon nan RMN, an amo na pagpanlibre pinaagi sa pagpanguna nan Chief of Police sa Sison na si Senior Inspector June Hontanosas ug mga kaibanan. Tagtudlo na sugod adton Nobyembre 1 ug kuman adlawa an ila pagpadayag nan libre na serbisyo sa pagsaulog nan All Saints ug All Souls Day. Gawas sa libre na sakay, may libre isab na tagpanhatag na mineral water ngadto sa mga tag-uhaw na mga mibisita sa lain-laing lubnganan. Sa inisyal na assessment nan PNP Sison, nahimong malinawon sa kinabuk-an an sitwasyon sa tibook lungsod sa pagsaulog sa Kalag-Kalag.
