Davao City – Motunol ang Davao City Health Office og libreng Human Papillomavirus (HPV) vaccine alang sa mga kababainhan karong June1-5.
Tumong niini mao ang mas gipakusgang kampanya sa CHO batok sa sakit nga cervical cancer.
Giingon ni CHO Head Dra. Josephine Villafuerte nga adunay 10,000 ka mga bakuna ang anaa karon sa ilang buhatan diin ang mahimo lamang mo avail niini mga kababainhan nga nag edad og 13 ngadto 45 anyos.
Base sa datus sa World Health Organization, ang cervical cancer ang upat sa pinaka common nga cancer nga pwedeng makuha sa kababainhan diin matod pa ang maong sakit usab ang ikaduhang hinungdan sa kamatayon sa mga babae dinhi sa nasud, sunod sa sakit nga breast cancer.
Ang HPV vaccine mokantidad og 3,500 pesos ngadto 4,500 per injection kung i-avail kini sa mga private clinic apan matod pa ni Villafuerte motunol og libre nga bakuna ang CHO sa mao nga mga adlaw.
Alang sa dugang kasayoran sa maong inpormasyon mahimong muadto sa City Health Office nga nahimutang dapit sa may Magallanes ning syudad.
RadyoMaN Abi Bibera
