SB MALAY MAGAPAHINUGOT NGA MAKAPALIGOS RO MALAYNON SA BORACAY SA JUNE 24

Kalibo, Aklan – Haum ro Sangguniang Bayan it Malay nga pahinugutan nga makapaligos sa baybayon it isla’t Boracay ro
taga Malay sa paaeabuton nga kapiyestahan ni Sr. San Juan de Bautista sa June 24, 2018. Raya ro
pagpahayag ni Malay Sangguniang Bayan member Jupiter Ealdred Gallenero.
Suno kay Sb member Gallenero, tradisyon it taga Malay nga sa Boracay nagapaligos sa adlaw it San Juan
pero bukon it sanda ro may pinal nga desisyon.
Plano makaron it SB Malay nga boe-on ro pahinugot it Boracay inter-agency task force para sa nasambit
nga tradisyon para makapaligos ro taga Malay sa isla sa Hunyo 24.
Matandaan nga halin April 26,2018 gin dumili-an eon nga makatabok pa sa isla it Boracay ro taga
mainland, ag pumueoyo eamang it Yapak, Manoc-manoc ag Balabag ro pwedeng makapaligos sa isla sa
gin designar nga swimming area sa station 1 kon siin magabuhay ro nasambit nga sitwasyon sa sueod it
6 nga buean.