CAUAYAN CITY- Maaari nang makakuha ng libreng flu vaccine ang mga mamamayan ng Cauayan na may edad labing dalawa pataas simula ngayong araw, ika-labing tatlo hanggang ika-dalawamput’ apat ng Enero.
Ang mga nais makakuha ay magtungo lamang sa opisina ng Cauayan City Health Office 1 mula alas otso ng umaga hanggang alas dos ng hapon.
Layunin ng libreng pagbabakuna na ito na maiwasan ang paglala ng mga sintomas o pagkakaroon ng influenza na maaaring magdulot ng komplikasyon sa kalusugan.
Hinihikayat naman ang lahat na magpabakuna upang mapanatili na ligtas ang sarili at pamilya.
Samantala, inaabisuhan ng LGU Cauayan ang nais magpabakuna na maaaring makipag-ugnayan sa mga Barangay Midwives na nakatalaga sa kanilang mga lugar para sa karagdagang impormasyon.
