*General Santos City— Gi-angkon ni Gensan City Mayor Ronnel Rivera nga sa karon wala pa siya’y ideya kung nagapaningil ang lokal nga pangamhanan ning dakbayan sa mga nagakuha ug medical ceritificate.*
*Apan gibutyag niini nga sa karon ilahang gina-konsidera nga tanang mukuha ug medical certificate sa panggobyernong hospital sama sa rural health unit o sa city health office, kini himuon nga libre.*
*Samtang giklaro ni City Administrator Atty. Arnel Zapatos, nga sa karon ang mga nagakuha lang ug medical certificate sa gensan mao ang mga truckers nga naga-adto sa ubang lugar aron sa paghatud sa ilahang mga supply.*
*Apan kung nadayon matud pa ang plano kaniadto sa LGU Gensan nga sila ang maghatag ug medical ceritificate kini ang mamahimong libre para sa tanan.*
*Una na matud pang nasabutan sa mga trucker ug LGU Gensan ang maong medical ceritificate ug wala matud pay nahimong problema niini kung asa mismong ang mga truckers maoy nag-volunteer nga magpresenta niini isip pamatuod nga wala silay sintomas sa covid-19.*
