Arang na kalipay nan mga pasahero na nakasakay sa unang adlaw sa Libreng Sakay nan RMN DXRS,isa ka serbisyo publiko nan DXRS paghatag nan libre o way bayad na pagpasakay sa publiko labina mga estudyante ,trabahante o kawani sa gobyerno sanan ordinaryo na mga riding public na sajo mokadto sa ila tagsa tagsa ka trabahuan o eskuyla. Ini na proyekto sa RMN namugna pinaagi na sa pagpanhingusog sa pagpalapad sa Serbisyo Publiko na amoy katujoan dili lamang kutob sa paghatag nan mga balita,drama, sanan programa.Dungan isab sa selebrasyon kuman na tuig nan DXRS sa ika 50 anyos na anibersaryo sa pagkahimugso niini sa Surigao na amoy pinaka primero na estasyon sa radyo,ini gihimo na proyekto agig pasalamat sa mga Surigaonon na padajon nagsuporta sa estasyon DXRS.
